Gerard Pique ka qenë në vëmendje që pas tradhtisë ndaj ish-bashkëshortes së tij, Shakira.
Gjatë fundjavës, ish-ylli i futbollit ka dhënë një intervistë për Gerard Romero, ku folën për mënyrën se si i ka trajtuar kritikat që nga ndarja e tij nga këngëtarja kolumbiane në qershor 2022.
“Në fillim ishte keq dhe arriti një pikë ku nëse do t’i lija gjërat të më vinin, do ta kisha hedhur veten nga një shkëmb”, rrëfeu ai në spanjishten e tij amtare.
Pique foli më tej se si “95 për qind” e çështjeve të njerëzve lindin kur ata “priren të kujdesen për gjëra që nuk janë aq të rëndësishme”.
Sipas mendimit të tij, të vetmet gjëra që ia vlen të shqetësohen janë “çështjet serioze shëndetësore, familja dhe marrëdhëniet”.
Megjithatë, marrëdhënia e tij u ndërpre vitin e kaluar, pasi u ndanë pas 12 vitesh së bashku.
Pas lajmeve për lidhjen me modelen Clara Chia Marti, fansat e kritikuan në masë të madhe Gerardin në rrjete sociale.
“Nuk mund të imagjinoni komentet që kam marrë nga njerëzit në rrjetet sociale”, tha ai.
“Por mua nuk më intereson asnjë prej tyre. Sinqerisht, aspak sepse nuk i njoh. Këta njerëz nuk kanë jetë dhe pse duhet të më interesojnë mua? Nuk do t’i takoj kurrë, ata janë robotë, e kuptoni?”, shtoi ai.
“Ata duan që ju të shqetësoheni dhe kur ta bëni këtë, ata do të kishin fituar. Ju duhet t’u tregoni atyre se nuk ju intereson sepse kjo i zemëron më shumë”, tha mes tjerash ish-futbollisti.
Shakira nga ana tjetër këto ditë u largua përfundimisht nga Barcelona për të jetuar në Miami bashkë me dy fëmijët e saj, Milan dhe Sasha. /Telegrafi/
