Ajo vazhdon të cilësohet si një nga artistet më të admiruara në tregun muzikor shqiptar, përkundër viteve që numëron në skenë.
Fjala është për këngëtaren nga Gjilani, Genta Ismajli, e cila ka ruajtur origjinalitetin dhe stilin unik që nga fillimi i karrierës.
Bukuroshja njëherësh është personazh mjaft i ndjekur edhe në rrjetet sociale, ndërsa ndan me fansat imazhe e video të ndryshme.
Ajo këtë herë ka realizuar një set të ri fotografik para aparatit të fotografit të njohur, Norik Uka.
36 vjeçarja shfaqet e mrekullueshme në një palë të brendshme të kuqe dhe një trikë të po së njëjtës ngjyrë.
Komplimentet ndërkohë nuk munguan as nga miqtë e ndjekësit e artistes që numëron në Instagram.
Genta vetëm pak ditë më parë festoi njëvjetorin e lidhjes me biznesmenin turk, Huseyin Usta, ku në një intervistë tregoi më shumë për mënyrën se si është njohur dhe momentet e lumtura së bashku. /Telegrafi/