Mesfushori i Romës, Radja Nainggolan, thuhet se është pranë kalimit te skuadra e Fabio Cannavaros, Guangzhou Evergrande, për 50 milionë euro.
Sipas Gazzetta dello Sport, tashmë janë zhvilluar bisedime ndërmjet futbollistit, Cannavaros dhe Eusebio Di Francescos.
Guangzhou ka ofruar ta huazojë belgun me opsionin e blerjes para 30 qershorit.
GdS raporton se futbollisti do të përfitojë 12 milionë euro në sezon nëse ndodh transferimi në Kinë, ndërsa shitja e tij mund t’ia rregullojë Romës problemet buxhetore.
Qëndrimi i Nainggolan në Olimpico është vënë në dyshim prej se u detyrua të kërkonte falje për konsumim të duhanit dhe alkoolit.
Te klubi i ri, 30-vjeçari mund ta zë vendin e Paulinhos, i cili nënshkroi për Barcelonën për 40 milionë euro në verën e kaluar.
Lojtari belg është pjesë e Romës nga viti 2014, kur u transferua nga Cagliari. /Telegrafi/