Jeremi Menez është tashmë një ish-futbollist i Milanit.
Sipas GdS, sulmuesi francez ka gjetur marrëveshjen për prishjen e kontratës me Milanin, që zgjaste deri verën e ardhshme.
Sezoni i shkuar ishte zhgënjyes për Menezin, shumë larg sezonit paraardhës, ndërsa këtë verë trajneri Montela e ka nxjerrë jashtë planeve të tij.
Për pasojë, francezi tashmë del i lirë në treg dhe do të firmosë për Bordonë, ndërsa Milani kursen 2.5 milionë eurot e pagës së tij.