Lyudmila Makey është gazetarja e parë nga Ukraina e cila është strehuar në Kosovë.
Makey, e cila është larguar nga Ukraina për shkak të pushtimit rus, po vazhdon punën e saj nga Kosova.
Ajo punon për platformën Open Democracy.
E ftuar në emisionin “Personale” me Krenare Vokshi-Shala në RTV Dukagjini ajo ka folur për hezitimin e Ukrainës për ta njohur deri më tani Kosovën.
“Në fillim të viteve 2000, Ukrainë ishte nën presionin e Rusisë. Me kalimin e viteve edhe pse presidentët dhe qeveritë kanë ndryshuar në Ukrainë, qëndrimi ndaj Kosovës nuk ka ndryshuar për shkak të burokracive”.
Mirëpo gazetarja thotë se situata gjeopolitike tashmë ka ndryshuar.
“Sot situate gjeopolitike ka ndryshuar. Ndoshta për gjithë këtë mbështetje nga Kosova, strehimin e gazetarëve dhe pozicionin ndaj Rusisë, mund të bëhet një hap tutje dhe Ukraina të njeh shtetin e Kosovës. Kjo mbështetje nga Kosova do të jetë e paharrueshme”, deklaroi tutje Lyudmila Makey./Telegrafi/