Arsenali dhe Chelsea barazuan me rezultat 2-2 në derbin e Ligës Premier.
Pjesa e parë ishte pa gola, ndërsa e dytë gola dhe momente kontestuese. I tillë ishte edhe goli i Eden Hazard nga pika e bardhë, ku belgu paraprakisht u ndal në mënyrë të palejuar në zonë nga Hector Bellerin.
Të dy lojtarët pas ndeshjes u ndalën nga gazetari i Sky Sport, i cili i pyeti direkt se ishte apo jo penallti.
Ashtu si në fushë, Hazard e fitoi edhe duelin e intervistës së pas ndeshjes me përgjigjen e tij.
Bellerin: “Të dy shkuam për topin në të njëjtën kohë, por gjyqtari tha se ishte penallti. Duhet të shikojmë përsëritjen”.
Hazard: “Nuk ka nevojë për përsëritje. Ishte penallti e qartë”, dhe vazhdoi me te qeshur belgu.
Skuadrat londineze do të takohen javën tjetër, por këtë herë në Kupën e Ligës. /Telegrafi/
Hector Bellerin and Eden Hazard post-match interview. pic.twitter.com/r5EnUa2dbW
— Gööner (@OAFC10) January 3, 2018