Për Topin e Artë kanë votuar në total 176 gazetarë nga e gjithë bota, ku në fund doli fitues Lionel Messi.
Por një gazetar nga Sri Lanka, vazhdon të befasojë me votat e tij për të tretin vit rresht.
Hafiz Marikar nga Daily News e ka zgjedhur të parin mbrojtësin e Liverpoolit, Trent Alexander-Arnold.
Top treshen e kompletojnë Pierre-Emerick Aubameyang dhe Antoine Griezmann, ndërsa vota kishte edhe për Robert Lewandowskit dhe Marc-Andre Ter Stegenin.
Ai nuk e votoi asnjërin nga tre më të mirët, Lionel Messin, Virgil van Dijkun dhe Cristiano Ronaldon.
Në vitin e shkuar ishin Eden Hazard, Roberto Firmino dhe Paul Pogba më të votuarit, ndërsa Ronaldo dhe Harry Kane e kompletuan top-5.
Nuk kanë munguar as votat e çmendua në vitin 2017. Para dy vitesh ai si më të mirin e votoi Leonardo Bonuccin, ndërsa pas tij dolën David De Gea, Radamel Falcao, Hazard dhe Kane.
Sri Lankan Journalists Ballon D'or votes from the past 3 years. He had Alexander-Arnold winning it this year😂 pic.twitter.com/J1HTIXkB9V
— TrakFootball ❁ (@TrakFootball) December 4, 2019
Ronaldo ka hyrë vetëm një herë në listën e tij, ndërsa Messi nuk ka marr kurrë votë nga gazetari. /Telegrafi/