Telegrafi

Gazetarë e tifozë thonë se Gavi nuk e meritoi çmimin e lojtarit më të mirë të ri nga France Football

Driton Gajraku

Gavi u emërua si lojtari më i mirë i ri në futbollin botëror, duke marrë trofeun Kopa në ceremoninë e ndarjes së Topit të Artë, por tifozët mendojnë se një lojtar tjetër e meritoi.

Trofeu i Topit të Artë po shpërndahej më herët se zakonisht mbrëmjen e së hënës, pasi France Football e ndryshoi çmimin nga një vit kalendarik në sezonal.

Ndërsa Karim Benzema ishte favoriti i drejtpërdrejtë për çmimin kryesor, vetëm në një rrjedhje të hershme dikush mund të merrte me mend se kush do të fitonte versionin e lojtarit të ri.

Në ceremoninë në Francë, u njoftua se adoleshenti i Barçës, Gavi, kishte mundur pjesën tjetër të kandidatëve adoleshentë për trofeun, me Eduardo Camavingan dhe Jamal Musialan që përbëjnë tre të parët.

Ishte viti i dytë radhazi që një mesfushor i Barcelonës fitoi çmimin, pasi Pedri triumfoi në vitin 2021, por tifozët ishin më pak se të impresionuar nga çmimi.

Mesfushori i Anglisë dhe Borussia Dortmundit, Jude Bellingham, ishte në vendin e katërt në listë, një nga dy yjet e Tre Luanëve, dhe tifozët mendonin se ai duhej të kishte fituar.

Pas një sezoni në të cilin ish-djaloshi i Birmingham City kishte rrëmbyer vëmendjen e të gjitha klubeve më të mëdha, ata në rrjetet sociale menduan se ai ishte grabitur.

“Si është e mundur që Jude Bellingham nuk është as në treshen e parë për Trofeun Kopa?”, gazetari i CBS, Ben Jacobs pyeti ndjekësit e tij në Twitter.

“Si e fitoi Gavi përpara Musialas apo Bellingham? Mendoi se të dy e meritonin më shumë,” u shpreh gazetarja, Rayane Moussallem.

Një fans mbështeti të njëjtën ndjenjë, duke shtuar: “Gavi nuk e meritoi fitimin e atij çmimi përpara Musialës dhe Bellinghamit, është shakaja e shekullit”.

Një mbështetës i Dortmundit tha: “Bellingham është grabitur dy vjet radhazi, në çfarë forme është Gavi më i mirë se Jude Bellingham”.

“Gavi mund të ketë mbështetjen e bordit, por Jude Bellingham ka talentin më të madh, të vërtetët e dinë”, shkroi një tjetër tifoz, duke u shprehur në ndjenjën e disave se fitorja e Gavi ishte një lloj propagande e Barcelonës.

Një tjetër pyeti: “Dakord njerëz? Nëse Bellingham do të luante për Barcelonën dhe Gavi për Dortmundin, a do të kishte fituar Bellingham sonte?”.

Bellingham ka pasur një sezon fantastik deri më tani në këtë sezon, dhe u bë vetëm adoleshenti i dytë që shënon në tre ndeshjet hapëse të fazës së grupeve të Ligës së Kampionëve. /Telegrafi/