Gashi uron festën e Kurban Bajramit: Nuk ka sprovë që nuk kalohet me besim tek Zoti, andaj të shtojmë lutjet për ditët më të mira

Kemajl Berisha

4 years ago

Kryetari i Komunës së Obiliqit, Xhafer Gashi, me rastin e festës së Kurban Bajramit, ka uruar të gjithë qytetarët e komunës së Obiliqit dhe besimtarët e fesë islame, duke uruar që paqja, mëshira, dashuria, respekti dhe solidariteti te jenë vlera të përhershme në mesin e familjeve shqiptare!

Kryetari Gashi në urimin e tij për festën e Bajramit, ka theksuar se si rezultat i situatës së krijuar me pandeminë Covid-19, kjo festë të përcjellët pa vizita familjare e tradicionale, ndër tjerash ai është shprehur se: “ nuk ka sprovë që nuk kalohet me besim tek Zoti, andaj të shtojmë lutjet për ditët më të mira, të forcojmë dashurinë për vendin, familjen dhe njëri-tjetrin.”

Urimi i plotë i Kryetarit Gashi:

“Të nderuar bashkëqytetarë,

Të nderuar besimtarë të fesë islame,

Në prag të festës së Kurban Bajramit, me lejoni të ju përcjell urimet më të përzemërta, duke uruar që paqja, mëshira, dashuria, respekti dhe solidariteti te jenë vlera të përhershme në mesin e familjeve shqiptare! Festat e Bajramit, gjithmonë kanë bashkuar të afërmit e miqtë, por situata e krijuar me pandeminë Covid-19 ,do të na pamundësoj vizitat familjare e tradicionale.

Mesazhi i kësaj feste dëshmon se nuk ka sprovë që nuk kalohet me besim tek Zoti, andaj të shtojmë lutjet për ditët më të mira, të forcojmë dashurinë për vendin, familjen dhe njëri-tjetrin.

Zoti begatoftë çdo sofër shqiptare! Zoti bekoftë shqiptarët kudo që janë!

Me fat festa e Kurban Bajramit!

Xhafer Gashi”