Përhapja e coronavirusit ka shkaktuar pezullimin e aktiviteteve të futbollit, ndërsa Real Madridi është duke bërë plane për afatin kalimtar veror dhe Gareth Bale mbetet një prej çështjeve kryesore për t’u zgjidhur.
Los Blancos nuk duan ta mbajnë uellsianin në sezonin e ardhshëm, mirëpo janë të vetëdijshëm se largimi i tij do të jetë i komplikuar.
Mbretërit janë të bindur se i kanë dhënë shumë raste dhe kanë pasur durim me Bale, i cili nuk ua ka kthyer besimin me performancat në fushë.
30-vjeçari ishte pranë largimit nga Santiago Bernabeu në verën e kaluar, mirëpo transferimi i tij në Kinë dështoi.
Trajneri Zinedine Zidane vendosi të llogariste në shërbimet e tij në fillim të sezonit, mirëpo lojtari dështoi të tregonte pritshmëritë.
Bale përfiton rreth 17 milionë euro në sezon, ndërsa klubi nuk dëshiron ta paguajë aq shumë një lojtar që nuk luan. Problemi është se Bale dëshiron të qëndrojë te Reali deri në fund të kontratës (në vitin 2022).
Në ndërkohë, Los Blancos janë të gatshëm ta lejojnë largimin e tij edhe pa para, me kusht që klubi që e transferon t’ia japë pagën.
Liga Premier ose Shtetet e Bashkuara mund të jenë destinacionet e mundshme të anësorit, pasi vetëm atje mund t’i plotësojnë kërkesat e tij financiare. /Telegrafi/