Ish-drejtori i përgjithshëm i Milanit, Adriano Galliani e duartrokiti trajnerin e Napolit, Gennaro Gattuso, pas triumfit të Coppa Italia ndaj Juventusit.
Drejtori i Monzas ishte i lumtur kur pa që ish-lojtari i tij të merrte trofeun e tij të parë në futbollin italian pasi Napoli mundi Juventusin në penallti për të fituar Coppa Italia natën e kaluar.
Ky triumf i Gattusos e ka lumturuar Gallianin, i cili e ka krahasuar festën e tij me një festë gjatë fitimit të Ligës së Kampionëve nga Milani.
“Urime Gattuso. Jam i lumtur për të”, ka thënë fillimisht Galliani për Radio Kiss Kiss.
“Mbrëmë, gjatë gjuajtjes së penalltive, unë festova pothuajse ashtu siç bëra në Manchester”, përfundoi italiani.
Ish-mesfushori Gattuso ndihmoi Milanin të fitojë Ligën e Kampionëve në sezonin 2002-03 në Old Trafford, kur kuqezinjtë mposhtën Juventusin 3-2 me penallti. /Telegrafi/
