Superylli i futbollit, Cristiano Ronaldo, e ka gabuar emrin e vendit të klubit të tij në konferencën e parë për shtyp në Arabinë Saudite pas transferimit multi-milionësh te Al Nassr.
“Nuk është fundi i karrierës time ardhja në Afrikën e Jugut”, ka thënë portugezi, teksa në prapavijë shkruante me krenari: “Mirë se vjen në Arabinë Saudite”.
Duke qenë jashtëzakonisht të lumtur, zyrtarët sauditë nuk kanë ndërhyrë për ta korrigjuar 37-vjeçarin, derisa gabimi i tij nuk i ka shqetësuar aspak fansat sauditë që i bënë mikpritje të jashtëzakonshme në Mrsool Park.
😀 You don't need to know the name of the country to make €200 million 😀… Anyways, welcome to South Africa Ronaldo 😜 https://t.co/wvlX0jGBz3
— NHLANHLALENHLE (@NVMakhanye) January 4, 2023
Paga e tij vjetore e raportuar prej afro 200 milionë eurosh, do ta bëjë CR7 futbollistin më të paguar në botë.
Ndërkohë që një përdorues i Twitterit ka shkruar: “Nuk duhet ta dish emrin e vendit për t’i fituar 200 milionë euro… Sidoqoftë, mirë se vjen në Afrikën e Jugut, Ronaldo”.
Touchdown Riyadh 🤩@Cristiano #HalaRonaldo 💛
pic.twitter.com/ZUflrsBewX— AlNassr FC (@AlNassrFC_EN) January 3, 2023
Edhe pse ishte padyshim një lapsus, kjo i ka nxitur tifozët jugafrikanë që të ëndërrojnë se një ditë, Cristiano mund të luajë edhe atje. /Telegrafi/