Banorët e qytetit të Kilit, Puenta Arenas, regjistruan një moment të pazakontë që përfshinte presidentin Gabriel Boric.
Aty, presidenti i Kilit, kishte provuar rrëshqitësen e këndit të lojërave për fëmijë të një prej shesheve të qytetit, transmeton Telegrafi.
Presidenti ishte në rajonin Magallanes për të marrë pjesë në zgjedhjet të dielës pasi vendosi të mos ndryshojë adresën e tij elektorale.
Për këtë arsye, ai caktoi një udhëtim në zonë që filloi të premten, duke marrë pjesë në takime dhe aktivitete me autoritetet lokale si delegati i ri presidencial, Jose Ruiz Pivcevic.
Ai dhe partnerja e tij Irina Karamanos gjetën gjithashtu kohë për të bërë një shëtitje nëpër vendlindjen e tij, që përfshinte rrugën bregdetare përballë ngushticës së Magelanit.
Aty presidenti kilian provoi rrëshqitësen e fëmijëve, ku edhe ngeci për disa momente dhe nuk mund të dilte nga aty. /Telegrafi/