Edgar Çani ishte padyshim blerja më e bujshme te “Partizani” në merkaton e vitit të kaluar, pasi sulmuesi shtatlartë firmosi në fund të verës 2017 një kontratë dyvjeçare me demat e kuq.
Gjatë gjithë kohës, Çani ishte në shoqërinë e një bruneje, e cila e shoqëroi partnerin në ambientet e klubit kryeqytetas.
Duke u nisur nga fakti se sa me përkushtim dhe vëmendje qëndronte ajo pranë partnerit, mediat shqiptare të sportit e etiketuan atë si truproja e 29-vjeçarit. Bëhej fjalë pikërisht për të fejuarën e tij italiane, me të cilën Edgar është i lidhur prej kohësh, e cila quhet Chiara Andromedi.
Futbollisti i njohur, pas famës në Itali, i ka bërë një dedikim publik partneres së tij në “Instagram”, duke e motivuar në karrierën e saj të saponisur si disenjatore e modës.
“Të dua stilistja ime!”, i shkruan ai poshtë albumit të fotove nga mbyllja me sukses e stilatës së saj të parë në Itali. Nuk mungojnë lulet dhe puthjet në buzë që ai i jep italianes brune, e cila e shoqëroi futbollistin në Tiranë, pas kthimit të tij nga Italia.
Tifozët ishin të shumtë në ambientet e klubit të kuq, ku Çani firmosi kontratën me pagë 20 mijë euro në muaj, duke u bërë futbollisti më i paguar i Superligës. Lojtari i të kuqve vendosi një rekord në historinë e futbollit shqiptar, duke qenë se firmosi një pagë prej 20 mijë eurosh në muaj, që e renditi ndër milionerët e club-eve. Por nuk vonoi shumë dhe historia e tij me pagën u shndërrua në një televonelë, duke qenë se ai e kërkoi vetë uljen e pagës në dhjetor 2017. /Panorama/