Futbollistët e Greqisë mbajnë stërvitjen e fundit në “Fadil Vokrri” para ndeshjes kundër Kosovës

Futbollistët e Greqisë kanë kryer stërvitjen e parë dhe të fundit përpara ndeshjes të së dielës kundër Kosovës në ”Fadil Vokrri”.

Kjo ndeshje është e vlefshme për kualifikimet e Kampionatit Botërorit 2022, në kuadër të Grupit B.

Grekët vijnë në këtë sfidë pas miqësores së humbur kundër Zvicrës 2-1, ndërsa Kosova është më e motivuar se kurrë pas fitores në Gjeorgji me rezultat 1-0.

Të besuarit e John van’t Schip, kanë zbritur në fushë, ku stërvitja si zakonisht ka qenë e hapur për media për 15 minuta.

Greqia mban vendin e katërt me 2 pikë në po aq ndeshje në grup, teksa Kosova në vendin e tretë ka 3 pikë e tre ndeshje të zhvilluara.

Suedia është lider në grup me 9 pikë, ndjekur nga Spanjë me 7 sosh. /Telegrafi/