Tyson Fury e ka uruar Deontay Wilderin për nokautin e arritur qysh në raundin e parë ndaj Dominic Breazeale një ditë më parë.
Boksieri britanik ishte i vetmi që kishte arritur ta ndalte ‘Bomberin e Bronztë’ në dhjetor të vitit të kaluar, ndërsa e ka paralajmëruar Anthony Joshuan se e njëjta gjë e pret kur do të boksojë ndaj amerikanit.
Wilder ishte konsideruar favorit për meçin në peshat e rënda të WBC-së ndaj bashkëkombësit të tij, Breazeale, e që ashtu edhe ndodhi.
33-vjeçari nuk i dëshpëroi tifozët e tij, duke dërguar një të djathtë të fuqishme në drejtim të kundërshtarit, që e la në dysheme vetëm pas 121 sekondash të fillimit të meçit.
Por, edhe pse Wilder arriti të triumfojë pastër, Fury ka bërë me dije se vet britaniku është “njeriu më i keq në këtë planet”, ndërsa amerikani zë vendin e dytë.
“Vetëm dua të them që bëre mirë Deontay Wilder që e nokautove Dominic Breazealen. Ishte i saktë në parashikimet e mia”, ka thënë Fury.
“Anthony Joshua do ta marrësh edhe ti këtë, e njëjta gjë do të ndodhë edhe ty”, e ka paralajmëruar britaniku bashkëkombësin e tij. /Telegrafi/