Boksieri britanik, Tyson Fury, ka thënë se ai dëshiron që rimeçi me Deontay Wilder duhet që të mbahet në stadiumin Old Trafford.
Boksieri 30 vjeçari arriti një barazim kontravers pas duelit me “Bombarduesin e Bronztë” në Los Anxheles të shtunën.
Fury, i cili është lindur në Mançester, ka qenë prezent në derbin mes Manchester United dhe Arsenalit dhe aty u ndal nga gazetarët, duke thënë se vendi ku duhet të zhvillohet rimeçi është Britania e Madhe.
“Frank Warren tha në Emirates, por unë thashë jo, ‘le ta bëjmë në Old Trafford”, u shpreh Fury.
Me një shall të Manchester Unitedit, Fury i tha BT Sport gjatë pjesë së parë që ai shpreson se lufta e revanshit të zhvillohet në verë.
https://www.youtube.com/watch?v=5u3JqvrKWFg
Dhe, kur u pyet për rezultatin e mundshëm të skuadrës së Jose Mourinhos në derbi, Fury bëri shaka: “Nuk më pëlqenë barazimet, më pëlqejën vetëm fitoret”.
Lufta e zhvilluar të shtunën përfundoi 115-111 për Wilder, 114-112 për Furyn dhe 113-113, me Alejandro Rochin që ishte gjyqtari i cili vlerësoi më lart amerikanin.
Fury tha se ai kurrë nuk ka parë vendim më të keq në jetën e tij dhe e përshkroi këtë si një “dhuratë” për kundërshtarin e tij amerikan.
/Telegrafi/