Fury i reagon Wilderit: Do t’i jap më shumë shkollë se në meçin e parë

Tyson Fury i ka reaguar menjëherë Deontay Wilderit, pas fitores së këtij të fundit ndaj Luis Ortizit.

Amerikani e mposhti kolumbianin në Las Vegas në meçin që u zhvillua në orën 4:00 të mëngjesit sipas kohës tonë lokale.

Wilder arriti ta mbronte titullin WBC në peshat e rënda, duke e nokautuar Ortizin në raundin e shtatë, ndërsa në shkurt do të ketë punë me Furyn.

“Wilder do të ketë vetëm një shans ndaj meje. Do t’i jap më shumë shkollë se në meçin e parë”, ka shkruar britaniku në llogarinë e tij në Twitter.

Kujtojmë se Fury kishte marrë një barazim ndaj amerikanit në përballjen që u zhvillua në dhjetor të vitit të kaluar. /Telegrafi/