Tyson Fury dikur ishte një rival i madh i Wladimir Klitschkos në botën e boksit, me luftëtarin britanik që mundi ukrainasin në Gjermani në vitin 2015.
Fury i kishte dhënë fund mbretërimit të ukrainasit si kampion i botës në peshën e rëndë, megjithatë ‘Gypsy King’ ka lavdëruar vëllezërit Klitschkos për rolin në vijën e frontit në luftën e Ukrainës me Rusinë.
Vitali Klitschko nuk ka luftuar kurrë me Furyn, por në rolin e tij si kryebashkiak i Kievit, ai ka qenë shumë i përfshirë në përpjekjet për të zmbrapsur forcën pushtuese ruse.
“Dy ligje, duaje gruan tënde dhe lufto për vendin tënd, kështu që ata duhet të luftojnë për vendin e tyre. Pse jo?”.
“Ç’lidhje kanë paratë, nëse nuk ke atdhe ku të kthehesh, paratë nuk të duhen, nuk mund t’i shpenzosh”.
“Vazhdoni të luftoni djem! Mos u dorëzoni kurrë”, ka thënë Fury./Telegrafi/