Nëna e një TikTokeri ka festuar ditëlindjen me c ‘rast ka ftuar të gjithë miqtë e saj në aheng.
Megjithatë, asnjë prej tyre nuk ishte shfaqur në shtëpinë e saj. Por edhe pse ajo shtirej kinse nuk po i bën fare përshtypje, vërehej qartë që është e pikëlluar – kështu i biri i saj vendosi t’i bëjë një befasi me një dhuratë “modeste”, transmeton Telegrafi.
TikTokeri, Xoxi ka publikuar videon nga ditëlindja e ëmës së tij. Dukej se ajo qëndron në oborr duke pritur miqtë. Por me kalimin e orëve, e kuptoi se askush nuk do t’i shkonte.
Kjo e pikëlloi të ëmën e tij që shtirej kinse gjithçka është në rregull. I biri i saj ka thënë se ajo meriton më mirë. Në fund vendosi ta befasojë me një dhuratë.
Nxori zarfin dhe ia dha në dorë. Brenda kishte vendimin për hipotekën e shtëpisë – të cilin i biri i saj e kishte paguar. Ajo u gëzua shumë, sa që menjëherë shpërtheu në lot.
Kjo video prekëse deri më tani është parë nga më shumë se 10 milionë njerëz.
“Tani do të ketë më shumë para për gjithçka që ajo ka nevojë”, ka shkruar Xoxi në profilin e tij. /Telegrafi/