Instituti Hidrometeorologjik i Kosovës (IHK) ka bërë të ditur se mbi vendin tonë gjatë kësaj jave do të mbajë mot i ftohët dhe me reshje bore.
IHK njofton se fushat me presion të ulët atmosferik, të cilat kanë ardhur nga viset polare, do të jenë të qëndrueshme deri ditën e enjte, duke mbajtur këtë situatë meteorologjike me mot kryesisht të vranët dhe me reshje të borës.
Temperaturat minimale do të lëvizin nga -7 deri -9 gradë Celsius, ndërsa maksimalet e ditës parashihet të lëvizin ndërmjet -3 deri 0 gradë Celsius, përcjell Telegrafi.
Të enjten temperaturat mund të regjistrojnë vlera negative nën -10 gradë Celsius, por që këto vlera mund të arrijnë vetëm në orët e hershme të ditës.
“Nga dita e premte e tutje. merkuri në termometër do të kaloj mbi vlerat e zeros, duke vazhduar rritje dita –ditës. Do të fryjë erë nga verilindja dhe juglindja me shpejtësi mbi 9m/s”, thuhet në njoftim. /Telegrafi/