FSK pret që së shpejti të vendosen marrëdhëniet ushtarake mes Kosovës dhe Izraelit

Pas vendosjes së ambasadës së Kosovës në Jerusalem, FSK ka njoftuar se së shpejti do të vendosen marrëdhëniet ushtarake mes Kosovës dhe Izralit.

Kështu bënë të ditur nga Forca e Sigurisë së Kosovës përmes një postimi në Twitter.

“Do t’i vendosim marrëdhëniet ushtarake me Izraelin sa më shpejt që të jetë e mundur. Hap i madh zhvillimtar ndërmjet Kosovës dhe Izraelit”, thuhet në postimin e FSK-së.

Ndryshe, Kosova është vendi i tretë pas SHBA-së dhe Guatemalës që hapi misionin e saj diplomatik në Jerusalem.

Në njoftimin e Ministrisë së Punëve të Jashtme dhe të Diasporës thuhet se vendosja e selisë së Ambasadës së Kosovës në Shtetin e Izraelit në Jerusalem bazohet në Marrëveshjen e Uashingtonit të 4 shtatorit 2020, ku zyrtarizohet njohja e ndërsjelltë mes Republikës së Kosovës dhe Shtetit të Izraelit dhe zotimit të qeverisë së Kosovës ndaj qeverisë izraelite dhe administratës amerikane dhe veprimet që janë ndërmarrë nga 1 shkurti./Telegrafi/