Me sa duket, Federata Shqiptare e Futbollit nuk pret të dënohet me pezullim të fushës nga FIFA për ngjarjet e ndodhura në ndeshjet e fundit, për sa u përket ndezjes dhe hedhjes së fishekzjarrëve në stadium nga tifozët.
Institucioni që drejton futbollin në vendin tonë pret vetëm gjobën e zakonshme nga ndërkombëtarët ndaj ka njoftuar se ka filluar shitja e biletave për ndeshjen ndaj Izraelit që do të zhvillohet më 12 nëntor në stadiumin “Loro Boriçi” të Shkodrës.
Njoftimi i FSHF-së
Të dashur anëtarë të fanclub-it “Tifozët e Kombëtares”,
FSHF ju njofton se ka filluar shitja e biletave për ndeshjen Eliminatore të Kupës së Botës “Rusi 2018”, Shqipëri-Izrael, e cila do të luhet më 12 nëntor 2016, ora 20:45 në stadiumin “Loro Boriçi” Shkodër.
* Biletat mund t’i blini në linkun online: bileta.fshf.org
* Afati që mund të pajiseni me biletë është data 3 nëntor 2016
Nëse do të keni vështirësi për blerjen e biletave online, jeni të lutur të paraqiteni për t’i blerë fizikisht në adresat si më poshtë ose kontaktoni në adresën e-mail: fanclub@fshf.org.al
Tiranë
Dyqani zyrtar i FSHF-së, Rruga e Elbasanit (kryqëzimi me Rr. Themistokli Germenji); Orari 10:00-19:00 (e Diela pushim)
Shkodër
Stadiumi Loro Boriçi, Tribuna C4, Rruga Djepaxhiej Nr. 2; Orari 10:00-19:00 (e Diela pushim)
Çmimet e biletave sipas tribunave janë si më poshtë:
C2 , C3, C4 + E2, E3, E4 = 1.000 lekë
C1, C5 + E1, E5 = 1.500 lekë
D1, D4 = 2.000 lekë
D2, D3 = 3.000 lekë
A, B = 8.000 lekë
VIP = 18.000 lekë
Ju rikujtojmë edhe një herë për biletat sezonale, FSHF ofron zbritje prej 15%.