Ky tip frizure është i popullarizuar, siç bëhet gjithherë, ndërkaq ne kemi zbuluar se si në mënyrë të thjeshtë mund ta bëni në shtëpi…
Këtë herë po ju sjellim këshillat se si të arrini të bëni tallaze tepër të bukura në flokët tuaj sipas këshillave të Jen Atkinit, e cila stilizon flokët e personave të shumtë të famshëm, ndërkaq me Kim Kardashianin shpesh xhiron tutoriale.
Nga kjo frizurë tepër e bukur ju ndajnë vetëm disa veprime të thjeshta, transmeton Telegrafi.
1. Në flokë të thatë qitni sprej të cilin e përdorni për të bërë gërsheta, mirëpo qiteni vetëm në ato tufa flokësh të cilat dëshironi t’i stilizoni, sepse nuk ka nevojë që ta qitni në gjithë flokët.
2. Pastaj mbështillni tufat e flokëve të cilat i keni ndarë në pjesë nga maja në drejtim të rrënjëve.
3. Flokët thani me tharëse flokësh e cila ka difuzor dhe çdo tufë të cilën e keni mbështjellë thajeni përafërsisht 30 sekonda.
4. Pasi që të keni përfunduar këtë, merrni hekurin e flokëve dhe disa tufa hekurosni me të, ashtu që me hekur të thyeni tufat dhe t’i mbështillini në drejtime të ndryshme.
5. Në fund vetëm kaloni gishtat nëpër flokë dhe shprishni edhe më shumë tallazet e tufave, qitni sprej të njelmët për flokë dhe frizura juaj është gati. /Telegrafi/