Fred pranon se agjenti e ka bindur të nënshkruajë me Manchester Unitedin.
Mesfushori me tipare sulmuese u bë nënshkrim i parë i Jose Mourinhos gjatë verës, kur iu bashkua skuadrës angleze nga Shakhtar Donestk.
Ai debutoi dhe pati paraqitje fantastike në ndeshjen e parë kampionale të Ligës Premier, ku Djajtë e Kuq triumfuan2-1 kundër Leicester Cityt.
Futbollisti 25-vjeçar arsyetoi vendimin pse zgjodhi të nënshkruante për Unitedin, pavarësisht ofertave nga klubet e tjera evropiane.
“Kisha shumë mundësi në Angli dhe në Evropë”, tha Fred për ESPN.
“Manchester City, PSG, por kam zgjedhur United, kam folur me agjentin tim, Gilberto Silva, i cili luajti për Arsenalin. Ai më tha se United ishte një klub i madh”.
“Kur ju thashë se kam zgjedhur Unitedin, pashë fytyrat e tyre të gëzuara. Jam i sigurt se kam bërë zgjedhjen e duhur, dua të luaj dhe të fitoj Ligën Premier, ligën më të mirë në botë”, tha reprezentuesi brazilian. /Telegrafi/