Yjet të shumta botërore e kanë shfrytëzuar periudhën e izolimit nga coronavirusi për të kaluar më shumë kohë me familjet e tyre.
Duke qenë vazhdimisht të angazhuar në evenimente të ndryshme, personalitetet e njohura e kanë të kufizuar kohën që kalojnë me fëmijët.
Prandaj, periudha e qëndrimit mbyllur u ka shërbyer atyre për të kaluar më shumë kohë me familjet e tyre.
Në këtë aspekt nuk bën përjashtim as njëri prej futbollistëve më të mirë në botë, Lionel Messi, i cili është baba i tre djemve.
Superylli i Barcelonës dhe partnerja e tij, Antonella Roccuzzo, kanë pozuar me fëmijët e tyre për Pashkë dhe fotografinë e kanë shpërndarë në rrjetet sociale.
Messsi dhe Antonella kanë tre djem, Thiago (i lindur në vitin 2012), Mateo (i lindur në vitin 2015) dhe Ciro (i lindur në vitin 2018). /Telegrafi/