Fotografia e ish-presidentit, Hashim Thaçi, është ende e vendosur në zyrën e kryetarit të Rahovecit, Smajl Latifi.
Në fotografitë që Presidentja Vjosa Osmani ka shpërndarë në faqen e saj zyrtare, shihet se në zyrën e Latifit është ende e varur fotografia e ish presidentit Hashim Thaçi, i cili tashmë ndodhet në Hagë.
Presidentja e Kosovës, Vjosa Osmani, të premten ka vizituar Rahovecin, ku është pritur nga kryetari i kësaj komune, Smajl Latifi.
Mirëpo në zyrën e të parit të Rahovecit është respektuar ligji pasi edhe fotografia e Presidentes Osmani gjendet në zyre./Telegrafi
