Sot, Forumi i Gruas i Lëvizjes Besa në Tetovë, përmes një proteste simbolike e ka shënuar ditën e 8 Marsit. Ata thanë se janë mbledhur për të shprehur pakënaqësitë e tyre ndaj shumë fushave, që sipas tyre po i tangojnë si femra, njofton Telegrafi Maqedoni.
“8 marsi në të gjitë botën shënon ditën kur për herë të parë femra ngriti zërin ndaj padrejtësisë ku edhe mbeti simbol për barazi, drejtësi që femrës ti jepet vendi i merituar krah gjinisë mashkullore. Fatkeqsisht edhe pse jetojmë në një shtet demokratik, jo vetëm ne si femra që jemi të anashkaluara, por poshtrohemi dhe nënçmohemi si komb, si shqipëtar edhe atë në shtëpitë tona, në vendin tonë të mëmësisë”, deklaruan nga Forumi i Gruas i Lëvizjes Besa.
Ata nga ky marsh protestues kërkuan që femra të mbrohet dhe të përfaqësohet denjësisht në institucionet e shtetit, femra të jetë vendim-marrëse në kuvend dhe femra shqiptare mos të jetë vetëm nënpunëse e interesave partiake./Telegrafi/