Chelsea thuhet se do të shtojë dy lojtarë premtues në skuadrën e tyre në afatin kalimtar të janarit.
Të dy, mesfushori i Vasco de Gama, Andrey Santos dhe sulmuesi i Molde, David Datro Fofana janë në rrugë për të nënshkruar me klubin londinez.
Dyshja e re do të ishin nënshkrimet e para të trajnerit Graham Potter që nga marrja e detyrës si trajner i Chelseat në shtator.
Santos është një mesfushor dhe mund t’i jepet një shans në ekip për shkak të shqetësimeve të dëmtimit të N’Golo Kantes dhe çështjeve aktuale të kontratës së Jorginhos.
Chelsea thuhet se do ta nënshkruajë me atë, duke mposhtur rivalitetin nga dy klubet e Ligës Premier si, Manchester City dhe Newcastle.
Ndërsa Fofanës mund t’i jepet mundësia të shkëlqejë si sulmues në klub.
20-vjeçari iu nënshtrua testeve mjekësore me Chelsean të enjten pasi një njoftim për ardhjen e tij pritet së shpejti.
Sulmuesi nga Bregu i Fildishtë ka qenë në formë mbresëlënëse për Molden këtë sezon, duke shënuar 15 gola në 24 paraqitje në ligë.
Blutë kanë luftuar para portës së fundmi, duke shënuar vetëm katër gola në shtatë ndeshjet e tyre të fundit në ligë.
Dy lojtarët do të jenë në gjendje të përshtaten në sistemin aktual të preferuar të Potterit, 3-4-2-1.
Santos mund të futet në dyshen qendrore të mesfushës, ndërsa Fofana do të jetë në gjendje të udhëheqë fazën ofanzive si sulmues i vetëm.
Dyshja gjithashtu mund të përdoret edhe në skemën 4-4-2, nëse Potter dëshiron të ketë skuadër më stabile. /Telegrafi/
