Para se të vinte Roman Abramovich, Chelsea ishte një ekip që po përpiqej të bëhej një nga më të mirët në futbollin botëror.
Por, tani pas një magjie vezulluese 19-vjeçare në Stamford Bridge, rusi mund të largohet duke e ditur se ia doli me sukses në atë detyrë.
Pa investimin e tij, është e mundur që klubi nuk do të kishte grumbulluar sasinë e madhe të trofeve që ka gjatë dy dekadave të fundit.
Mes pushtimit rus të Ukrainës, Abramovich ka konfirmuar se ka nxjerrë në shitje Chelsean, duke dhënë një deklaratë zyrtare të mërkurën.
“Unë gjithmonë kam marrë vendime me zemër, për interesat më të mira të klubit”.
“Në situatën aktuale, prandaj kam marrë vendimin për të shitur klubin, pasi besoj se kjo është në interesin më të mirë të klubit, tifozëve, punonjësve, si dhe sponsorëve dhe partnerëve”, ka deklaruar Abramovich.
Megjithatë, Abramovich gjatë kohës si president i ka dhuruar Bluve dy herë trofeun e famshëm të Ligës së Kampionëve, si dhe pesë tituj të Ligës Premier dhe pesë kurora të FA Cup.
Pra, pas një kapitulli vezullues dhe me shumë trofe të fituar, mediumi britanik Express Sport i ka hedhur një vështrim transferimeve më të mira të të oligarkut rus.
Mediumi britanik ka përpiluar 11-shen më të mirë të Bluve, të përbërë nga nënshkrimet e Abramovich.
Por, këtu janë vetëm transferimet – pa përfshirë të diplomuarit e akademisë apo lojtarët që ishin aty përpara se ai ta blinte klubin si John Terry dhe Frank Lampard.
Në portë padyshim se është legjenda, Petr Cech, ndërsa në mbrojtje nënshkrimet më të mira llogariten: Cesar Azpilicueta, Ricardo Carvalho, Branislav Ivanovic dhe Ashley Cole.
Transferimet më të mirë të Abramovich në mesfushë janë Claude Makelele, N’Golo Kante dhe Micheal Ballack, ndërsa në sulm kanë zënë vend emra si Joe Cole, Didier Drogba dhe Eden Hazard.
Abramovich ka transferuar edhe emra tjerë të mëdhenj gjatë epokës së tij në Stamford Bridge.
Cesc Fabregas, Micheal Essien, Thiago Silva, Diego Costa, Thibaut Courtois dhe Juan Mata janë disa nga yjet, por që nuk kanë arritur të zënë vend në formacionin më të mirë.
Formacioni me transferimet më të mira të Abramovich
/Telegrafi/