Me përfundimin e edicionit të tretë të Ligës së Kombeve, vëmendja tani do të kthehet te Kupa e Botës në Katar këtë dimër.
Pa asnjë ndeshje përgatitore të planifikuar aktualisht, Anglia do të hyjë në turne pas një serie prej gjashtë ndeshjesh pa fitore, pasi u barazuan 3-3 nga Gjermania të hënën mbrëma.
Gareth Southgate është përballur me kritika për taktikat e tij dhe përzgjedhjen e ekipit në muajt e fundit dhe ai përballet me disa vendime të vështira për ndeshjen hapëse të Anglisë në Kupën e Botës kundër Iranit më 21 nëntor.
Tre Luanët duhet të mendojnë se si të nxjerrin më të mirën nga lojtarët cilësorë që posedojnë dhe se si t’ia bëjnë me ata që nuk po ia dalin ta gjejnë veten ende në ekip.
Southgate ka shumë punë për të bërë në pak ditë, pasi në rast se dështon në Katar, shkarkimi i tij thjesht do të jetë i pashmangshëm.
SportBible më poshtë ka përpiluar një formacion që mendojnë se do të ishte ideali që Anglia ta përdorte në Kupën e Botës, në mënyrë që të ëndërrojnë në fitimin e trofeut. /Telegrafi/
