Në Old Trafford zhvillohet ndeshja kryesore e javës së tretë në Ligën Premier, ndërmjet Manchester Unitedit dhe Liverpoolit.
Djajtë e Kuq nuk e kanë nisur aspak mirë edicionin 2022/2023 në kampionatin anglez duke i humbur dy sfidat e para nga skuadra si Brightoni (2-1) dhe Brentfordi (4-0).
Në anën tjetër, edhe Redsat nuk e kanë filluar në mënyrën më të mirë, pasi kanë barazuar me ekipe, si Fulham (2-2) dhe Crystal Palace (1-1).
Të dy trajnerët, Erik ten Hag dhe Jurgen Klopp, duan me çdo kusht të nxjerrin rezultat pozitiv, andaj i kanë caktuar taktikat e tyre për këtë përballje.
Formacioni startues i Manchester Unitedit: De Gea; Dalot, Varane, Martinez, Malacia; Bruno Fernandes, McTominay, Eriksen; Sancho, Rashford, Elanga.
Formacioni startues i Liverpoolit: Alisson; Alexander-Arnold, Gomez, Van Dijk, Robertson; Elliott, Milner, Henderson; Salah, Firmino, Luis Diaz.
/Telegrafi/