Kosova do të luajë përballë Qipros me fillim nga ora 18:00 në ndeshjen e dytë të vlefshme për edicionin e ri të Ligës së Kombeve.
Të besuarit e Franco Fodës kanë për synim vetëm fitoren në këtë takim dhe rikthimin tek rezultatet pozitive pas humbjes me rezultat 3-0 në shtëpi ndaj Rumanisë.
Për dallim nga ajo ndeshje, Foda ka bërë disa ndryshime në formacionin startues ku shohim se nga minuta e parë do të luajë Visar Bekaj në mungesë të Arijanet Muric, ndërsa fanellën e titullarit e ka marrë edhe Donat Rrudhani.
Në mesfushë Foda ia ka besuar pozitën e startuesit yllit të Ballkanit, Lindon Emërllahu, ndërsa nga minuta e parë në fazën e sulmit po ashtu do të luajë edhe Ermal Krasniqi.
Kjo nuk do të jetë hera e parë që dy ekipet përballen me njëra-tjetrën, pasi Kosova edhe më herët është ndeshur dy herë me Qipron ku ka arritur të fitojë në të dyja rastet (5-1 në ‘Fadil Vokrri’ dhe 2-0 në Qipro).
Formacionet zyrtare:
Qipro: Mall, Karo, Gogic, Kyprianou, Panyiotu, Artymatas, Kastanos, Malekkidis, Ioannu, Pittas, Tzionis.
Kosovë: Bekaj, Rrudhani, Aliti, Rrahmani, Hadërgjonaj, Berisha, Emërllahu, Rexhbecaj, E.Krasniqi, Muriqi, Rashica./Telegrafi/
