Në Anfield zhvillohet derbi i futbollit anglez ndërmjet Liverpoolit dhe Manchester Unitedit që zhvillojnë ndeshjen e mbetur nga java e 30-të në Ligën Premier.
Kjo përballje është jashtëzakonisht e rëndësishme për të dyja skuadrat, të cilat kanë objektiva të qarta – Redsat janë në garë për titullin e Anglisë, kurse Djajtë e Kuq duan të përfshihen në katër pozitat e para.
Liverpooli është vetëm një pikë prapa liderit Manchester City në renditjen tabelare, derisa Unitedi ndodhet tri pikë prapa Tottenham Hotspur që mban pozitën e katërt.
Do të shohim një përballje taktikash të trajnerëve Jurgen Klopp dhe Ralf Rangnick, të cilët i kanë zgjedhur ekipet që do të zbresin në fushë nga minuta e parë.
Formacioni startues i Liverpoolit: Alisson; Alexander-Arnold, Matip, Van Dijk, Robertson; Henderson, Fabinho, Thiago; Salah, Sadio Mane, Luis Diaz.
Formacioni startues i Manchester Unitedit: De Gea; Wan-Bissaka, Lindelof, Maguire, Jones, Dalot; Matic, Pogba; Elanga, Bruno Fernandes, Rashford.
/Telegrafi/