Në Allianz Stadium zhvillohet ndeshja kthyese e të tetës së finales në Ligën e Kampionëve, ndërmjet Juventusit dhe Villarrealit.
Sfida e parë e zhvilluar në Estadio de la Ceramica përfundoi me rezultat të barabartë (1-1), ashtu që gjithçka do të vendoset në Torino.
Zonja e Vjetër e ka përparësinë e mbështetjes së tifozëve, porse gjithçka është e hapur kur kihet parasysh se tashmë nuk ekziston rregulli për golin si mysafir.
Strategët Massimiliano Allegri dhe Unai Emery i kanë bërë gati taktikat e tyre për këtë përballje.
Formacioni startues i Juventusit: Szczesny; Danilo, De Ligt, Rugani, De Sciglio; Cuadrado, Arthur, Locatelli, Rabiot; Vlahovic, Morata.
Formacioni startues i Villarrealit: Rulli; Aurier, Albiol, Pau Torres, Capoue; Estupiñan, Parejo, Yeremy Pino, Manu Trigueros; Lo Celso, Danjuma.
/Telegrafi/