Gjilani do të jetë nikoqir i Besës për takimin që luhet në kuadër të javës së 27-të në Superligën e Kosovës.
Të dy skuadrat tashmë kanë publikuar formacionet zyrtare për ndeshjen që fillon në ora 15:30 në stadiumin “Agim Ramdani-Katana”.
Gjilani është në vendin e katërt me 37 pikë dhe dëshiron që të vazhdojë të jetë në mesin e tabelës.
Në anën tjetër, Besa tashmë ka humbur besimin për të luftuar për qëndrim në ligën elitare të futbollit kosovar, andaj luan për prestigj.
Skuadra nga Peja është në vendin e fundit me dhjetë pikë, 17 më pak se vendi i parafundit Arbëria.
Formacioni bazë i Gjilanit: Ruçi, Rapa, Halili, Useini, Aziz, Hila, Musolli, Hajdari, Cyrbja, Progni, Nikac.
Formacioni bazë i Besës: Haxhijaj, Ajdini, Morina, Tahiri, Sheqerolli, Maliqi, Halili, Qorri, Bilal, Xhaka, Brruti. /Telegrafi/
