Në stadiumin Benito Villamarin në Sevilla, Barcelona dhe Valencia zhvillojnë finalen e Kupës së Mbretit.
Blaugranët tashmë e kanë fituar La Ligan dhe e kërkojnë edhe këtë triumf për ta mbyllur sezonin me dy trofe, duke qenë se në Ligën e Kampionëve u eliminuan në gjysmëfinale nga Liverpooli.
Nga ana tjetër, Los Che e kanë siguruar pjesëmarrjen në garën më të madhe evropiane për sezonin e ardhshëm, pasi përfunduan në vend të katërt në tabelë.
Ndërsa triumfi në Copa del Rey do të ishte një arritje e madhe pasi kanë kaluar shumë vite prej se nuk kanë fituar ndonjë trofe.
Trajnerët Ernesto Valverde dhe Marcelino Garcia i kanë gati formacionet e tyre për këtë përballje.
Formacioni startues i Barcelonës: Cillessen; Semedo, Piquet, Lenglet, Alba; Busquets, Rakitic, Arthur; Roberto, Coutinho, Messi.
Formacioni startues i Valencias: Jaume; Wass, Garay, Gabriel, Gaya; Soler, Coquelin, Parejo, Guedes; Rodrigo, Gameiro.
/Telegrafi/