Në Olympiastadion në Berlin zhvillohet finalja e Kupës së Gjermanisë, e njohur si DFB Pokal, ndërmjet RasenBallsport Leipzigut dhe Bayern Munichut.
Kjo është finalja e parë në histori të Leipzigut dhe do të ishte një sukses i madh në rast se do të arrinte të triumfojë. Këtë sezon, kjo skuadër u rendit e tretë në tabelën e Bundesligas, ashtu që do të luajë në Ligën e Kampionëve në sezonin e ardhshëm.
Bavarezët janë fitues rekord të kësaj kupe (18 herë), ashtu që me fitore vetëm sa do ta rritnin rekordin. Bayerni është shpallur edhe kampioni i Gjermanisë për të shtatë herë radhazi.
Trajnerët Ralf Rangnick dhe Niko Kovac i kanë përgatitur skuadrat e tyre për këtë ndeshje.
Formacioni startues i RasenBallsport Leipzig: Gulacsi – Klostermann, Orban, Konate, Halstenberg – Sabitzer, Adams, Kampl, Forsberg – Werner, Poulsen.
Formacioni startues i Bayern Munich: Neuer, Sule, Hummels, Alaba, Kimmich, Martinez, Thiago, Coman, Gnabry, Muller, Lewandowski.
/Telegrafi/
Tyler Adams appears to be in the starting XI for RB Leipzig against Bayern Munich in the DFB-Pokal Final. pic.twitter.com/rEvUhatxR4
— USMNT Only (@usmntonly) May 25, 2019