Jennifer Lopez gjithmonë vlerësohet për linjat trupore, mirëpo këngëtarja dëshiron të jetë në formën maksimale fizike para nisjes për në turne.
Muzikantja dhe aktorja, e cila në korrik mbush 50 vjet, duket shumë më e re se mosha që ka dhe këtë e arrin edhe përmes angazhimit në palestër.
Gjatë fundjavës, ajo i ka publikuar disa imazhe në rrjetet sociale duke demonstruar përgatitjet e saja intensive për turneun veror, i cili do të përbëhet nga 31 koncerte vetëm në Amerikën Veriore.
“Duke e bërë siç duhet, para provave. Së shpejti vjen koha e turneut”, ka shkruar J.Lo në Instagram.
Turneu i Lopez në Amerikën Veriore do të fillojë më 7 qershor në Inglewood dhe do të përfundojë më 27 korrik në Miami.
Pas 31 koncerteve në Kanada dhe Shtetet e Bashkuara, këngëtarja do të mbajë një numër të limituar koncertesh anembanë botës, duke filluar në Tel Aviv (1 gusht) dhe duke përfunduar në St. Petersburg (11 gusht). /Telegrafi/
