Mbretëria e Jordanisë ka forca tejet të forta speciale ushtarake dhe policore, të cilat trajnohen nga instruktorët më të mirë nga Perëndimi.
Këto njësi janë të pajisura me armët më moderne, të cilat janë ndër më të fortat dhe më efektivet në rajonin e Lindjes së Mesme, transmeton Telegrafi.
Më shumë se gjysmë shekulli traditë
Forcat speciale jordaneze janë formuar më 15 prill të vitit 1963 me urdhër të Mbretit Hussein. Një pjesë e ushtrisë jordaneze është e trajnuar për operacione të zbulimit dhe luftën kundër terrorizmit. Aktualisht numëron rreth 14.000 anëtarë.
Krah për krah me njësitë më të trajnuara të botës
Njësitet speciale jordaneze sot renditen në mesin e njësive më mirë të trajnuara në botë, në sajë të reformës së vitit 1996 të kryer nga Mbreti Abdullah i cili konsiderohet ekspert në fushën e operacioneve të veçanta, kurse në kohën e tij ai ishte pilot i helikopterit. Me urdhër të tij, në veri të kryeqytetit Amman është ndërtuar KASOTC, një nga qendrat më të mira për trajnimin e njësive speciale në botë.
Rojet kufitare
Një nga detyrat e veçanta të kësaj njësie është ruajtja e kufijve të mbretërisë. Kjo detyrë është bërë një nga prioritetet e tyre në dekadën e fundit, për shkak të rritjes së rrezikut të terroristëve nga Iraku dhe paqëndrueshmëria së situatës politike dhe të sigurisë në vend, me të cilën Mbretëria e Jordanisë është e kufizuar në verilindje të vendit.
Rreziku nga Siria
Mbretëria e Jordanisë kufizohet edhe më Sirinë në veri të vendit. Për shkak të luftës civile në këtë vend që po vazhdon tash e pesë vite, njësitë e veçanta jordaneze vëmendje të veçantë i kushtojnë operacioneve anti-terroriste.
Ushtrime të përbashkëta me SHBA dhe Britaninë
Komandot jordaneze janë trajnuar për të vepruar në gjitha kushtet atmosferike, dhe posedojnë pajisje për operacionet anti-terroriste në ujë. Ndihmë për trajnim kanë marrë nga forcat speciale britanike dhe amerikane, me të cilët shpesh organizojnë ushtrime të përbashkëta anti-terroriste siç është ai në portin Aqaba.
Operacionet në Somali
Këto njësi marrin pjesë edhe në operacionet ndërkombëtare. Me njësitë speciale të Britanisë së Madhe, me të cilët kanë raporte të shkëlqyera marrin pjesë në operacionet në Somali kundër Al Shabaab, një organizatë terroriste e afërt me Shtetin Islamik. Ky veprim është iniciuar me kërkesë të mbretit të Jordanisë, Abdullah II. /Telegrafi/