Protestuesit që mbushën sheshin e Santiagos së Kilit, kanë sulmuar me gurë forcat e rendit dhe iu kanë hedhur shishe me benzinë, pasi ua vinin flakën.
Si pjesë e protestave të vazhdueshme kundër presidentit, deri më tani 24 persona kanë mbetur të vdekur, derisa mbi 3,000 kanë lëndime të konsiderueshme, transmeton Telegrafi.
Në këto demonstrata ku po marrin pjesë qindra vetë, policia po mundohet t’i shpërndajë me makina që hedhin vrushkuj uji, gaz lotsjellës dhe plumba gome.
Pakënaqësitë filluan gjatë muajit të kaluar, kur studentët kalonin ndalesat e stacioneve të trenave dhe nisën të protestonin në rrugë, shkaku i rritjes së çmimeve të transportit publik.
Kërkesat përfshinin përmirësime në arsim, kujdes shëndetësor dhe ndryshimin e sistemit të pensioneve që ishte kritikuar në masë të madhe, në një nga vendet më të pasura, por me shumë ku nuk ka edhe barazi shoqërore.
Derisa presidenti Sebastian Pinera ka bërë të ditur se do të zhvillohet një referendum, për disa ndryshime kushtetuese, protestat janë ende duke vazhduar.
Mirëpo, ka thënë se forcat e rendit mund të kenë shkelur protokollin duke shkaktuar dhunë të panevojshme, ndërsa po kërkon që ata të gjykohen për thyerjen e të drejtave të njeriut. /Telegrafi/
