Ministri i Mbrojtjes, Niko Peleshi ka thënë sot se dy anijet të Forcës Detare shqiptare i janë bashkuar përpjekjeve për shuarjen zjarrit në tragetin e linjës Brindizi-Gumenicë të përfshirë nga flakët mbrëmjen e djeshme në det.
“Fillimisht zjarri ka rënë jashtë ujërave tona territorial, por tashmë operacioni po kryhet në ujërat tona territorial, 5 milje larg Porto Palermos”, u shpreh Peleshi në një postim në Facebook.
Sipas ministrit, në operacionin që po drejtohet nga pala greke janë angazhuar edhe anijet e Forcës Detare shqiptare, Butrinti dhe ajo patrulluese R-117.
Peleshi ka bërë të ditur se më herët pasagjerët dhe pjesëtarët e ekuipazhit të tragetit janë evakuuar nga anija. /Telegrafi/
