50 fluturime ishin paraparë të realizohen në Aeroportin Ndërkombëtar të Prishtinës “Adem Jashari”, 31 prej tyre vetëm të ditës së sotme (të tjerat ishin bartur nga dita e djeshme). Shumë prej këtyre fluturimeve nuk kanë arritur të realizohen as të hënën, si pasojë e mjegullës.
Zëdhënësja e aeroportit, Valentina Gara, thotë se ky problem mund të tejkalohet me zgjatjen e pistës, e cila sipas saj është më e shkurta në rajon, ndërkohë që ky aeroport ka qarkullimin më të madh të udhëtarëve.
Për këtë problem janë në diskutim me Qeverinë e Kosovës tash e dy vjet, por nuk ka rezultate konkrete për këtë kërkesë.
Tribuna Channel ka pritur një përgjigje nga Ministria e Financave për të ditur më shumë rreth kërkesës për zgjatje të pistës, por nuk ka marrë ndonjë përgjigje.
Institutit Hidrometeorologjik i Kosovës sqaron se përse ka ardhur deri tek mjegulla që është e pranishme në të gjithë Ballkanin.