Roli i drejtorit teknik të Manchester United, Darren Fletcher, është bërë vendimtar për të qetësuar situatën e tensionuar mes stafin dhe lojtarëve të Djajve të Kuq.
Tashmë ka pasur raporte për një ndarje midis Cristiano Ronaldos dhe trajnerit të përkohshëm Ralf Rangnick, dhe disa lojtarëve që panë tensione te United.
Sulmuesi portugez është lidhur gjithashtu me një largim këtë verë pas një sërë shfaqjesh të dobëta, që e panë atë edhe të mos ftohej për disa ndeshje.
Megjithatë, tashmë thuhet se po vjen qetësia te klubi nga Old Trafford dhe vetëm një njeri është meritor.
Sipas mediumit The Sun, qenë ish-mesfushori Fletcher ai që ka qenë shpëtimtar i klubit, duke vepruar si ‘paqe-bërës’ në mes të këtij tensioni – me lojtarët që ngrohen në praninë e tij.
Kontributi i tij në skuadër shihet si ‘aq i rëndësishëm’ në një kohë kur lojtarët po luftojnë për t’u përshtatur me sistemin e presionit të Rangnick, si dhe me udhëzimet nga ndihmësi i gjermanit, Chris Armas.
Fletcher ka marrë shpejt një rol me ndikim në klub, pasi fillimisht ka drejtuar akademinë e tyre përpara se të bëhej trajner i ekipit të parë dhe më pas drejtor teknik. /Telegrafi/