Babai i Ana Clara Benevides ka dhënë së fundmi një intervistë prekëse.
Taylor Swift mbeti e tronditur këtë fundjavë, kur 23-vjeçarja vdiq pasi u sëmur në një nga shfaqjet e këngëtares në Brazil.
Babai i Anas tani e ka trajtuar tragjedinë, duke thënë se Ana “iku për një ëndërr dhe u kthye e vdekur”.
Ana thuhet se u ndoq nga mjekë ndihmës në Estadio Olimpico Nilton Santos në Rio de Janeiro.
Fansja e Taylor Swift u dërgua në spital, por fatkeqësisht vdiq një orë më vonë.
Ndërsa shkaku i vdekjes nuk është bërë i ditur, mediat raportuan se fansat nuk u lejuan të futnin ujë në stadium pavarësisht temperaturave të larta.
Duke folur për gazetën Folha de Sao Paulo, 53-vjeçari Weiny Machado e quajti vajzën e tij ‘të lumtur dhe inteligjente’.
Ai shtoi, sipas The Mirror: “Kam humbur vajzën time të vetme, një vajzë të lumtur dhe inteligjente. Ajo ishte gati të diplomohej në Psikologji prillin e ardhshëm”.
“Dëshiroj që të zbulohet nëse në fakt u është ndaluar të sjellin ujë, nëse ka pasur neglizhencë në dhënien e ndihmës”.
Babai i pikëlluar i Anas vazhdoi: “E di që këngëtarja po shpërndante ujë për fansat e saj dhe kjo është absurde për një ngjarje të këtyre përmasave. Asgjë nuk do ta kthejë vajzën time, por shpresoj që nëse konfirmohet neglizhenca, dikush do të dënohet, që kjo të mos ndodhë me askënd”.
Këngëtarja e “Love Story” ishte duke performuar në Rio de Janeiro kur Ana vdiq. /Telegrafi/
