Sezoni i dytë i Squid Game siç edhe ishte parashikuar është bërë viral kudo në rrjetet sociale, duke marrë parasysh ndikimin e jashtëzakonshëm që kishte në sezonin e parë.
Ishte pritur për një kohë të gjatë, dhe tashmë episodat e rinj mund t’i shikoni në platformën e Netflix.
Ky sezon ishte karakterizuar me plot dinamika, dhe ngjarje dramatike të cilat mbanin shikuesit në ankth gjatë gjithë kohës se çfarë po ndodh. Por, ajo që po ashtu çfarë e bëri edhe më të veçantë, ishte një detaj të cilët e kapën ndjekësit shqiptarë të serialit.
@justeemee i noticed so quickly #squidgame2 #albanians #flag #fy #viral #funny ♬ Originalton – justeemee
Në njërën prej sfidave ku lojtarët u përfshinë në sezonin e dytë, është parë flamuri i Shqipërisë. Në mesin e shumtë të flamurave, aty valonte edhe flamuri kuqezi.
Fansat e serialit e kanë shkëputur pikërisht këtë pjesë dhe e kanë shpërndarë në rrjetet sociale.
Episodi në të cilin shihet flamuri kuqezi është i katërti i cili titullohet Six Legs apo Gjashtë Këmbët. /Telegrafi/