Këngëtarja e njohur nga Gjakova Flaka Krelani, vazhdon të mahnitë publikun me performancat e saj në spektaklin e njohur “Your Face Sounds Familiar”.
Javën që shkoi, Krelani solli një imitim perfekt të Adelina Ismailit, gjersa duket se përveç muzikës ajo është një artiste e vërtet në të gjitha komponentët.
E kemi parë si kërcimtare të shkëlqyer në “Dancing with the Stars”, ndërsa tani si një aktore që di të imitojë perfekt personazhet e njohura në “YFSF”. Në muzikë ajo e ka dëshmuar që moti talentin e saj, e njohur gjithashtu për zërin e fuqishëm.
Ka qenë gjithmonë e rezervuar për jetën private, duke mos zbuluar në asnjë intervistë nëse ka ndonjë mashkull që ia ka rrëmbyer zemrën.
Megjithatë, Flaka di të jetë shumë “çapkëne” kur bie fjala te fotografitë në rrjetet sociale. Së fundmi ajo ka publikuar një fotografi në llogarinë personale në Instagram, ku shfaqet pranë një mashkulli misterioz, teksa mbahet tek krahu i tij, pasi ai është i kthyer me shpinë.
Flaka nuk e ka zbuluar identitetin e mashkullit të cili i është ngjitur me trup, mirëpo nga fotografia vërehet të jetë një djalë me flokë të gjata. Ai mund të jetë një nga miqtë e Flakës, ose balerinët e spektaklit me të cilët i bie të takohet më shumë javëve të fundit. /Telegrafi/