Gjilani ka shënuar fitore tejet të vështirë përballë KEK-ut 2-0 ku të dy golat u shënuan në fundin e ndeshjes.
Vendasit që nga fillimi i takimit ishin më të mirë dhe sulmonin vazhdimisht portën e mysafirëve.
Fiton Hajdari dhe Keita Razak kishin raste të mira në pjesën e parë, por që pa arritur të shënonin gol.
Pjesa e parë përfundoi ashtu siç filloi me rezultat të barabartë 0-0.
Gjilani vazhdoi dominimin edhe në pjesën e dytë, ku provuan Asani, Perez e Hajdari.
Por tifozët e pranishëm në stadium u desh t’i prisnin minutat e fundit të ndeshjes për t’i parë golat.
Ishte minuta e 93-të, kur Shpend Asani i vendasve realizoi golin e parë pas një goditje të fuqishme brenda zonës për 1-0.
KEK-u u hodh në sulm për ta barazuar rezultatin, ndërsa pranoi edhe golin e dytë pas një kundërsulmi të vendasve.
Ishte sulmuesi Wilber Perez që realizoi lehtësisht për 2-0.
Pas kësaj fitore Gjilani ngritët në pozitën e pestë në tabelë me 32 pikë të tubuara.
Ndërkohë KEK-u mbetet në pozitën e fundit në tabelë me vetëm një pikë. /Telegrafi/