Ish-i dashuri i këngëtares Fjolla Morina, afaristi Fisnik Syla, ka bërë një deklaratë befasuese në rrjetet sociale, duke shprehur publikisht mbështetjen e tij për konkurrentin kosovar të Big Brother VIP Albania, Gjestin.
Përmes një postimi në InstaStory, Syla fillimisht u drejtua ndjekësve të tij me një pyetje intriguese: “A mendoni që duhet t’ia jap 100 mijë eurot Gjestit?” – duke lënë të kuptohet se e mbështet fuqishëm atë për të fituar çmimin e madh të reality show-t.
Megjithatë, ajo që tërhoqi më shumë vëmendjen ishte një tjetër fotografi që ai publikoi menjëherë pas kësaj. Në imazh, ai shihej i rrethuar nga një sasi e madhe parash, ndërsa mbi të shkruante: “Leje Bigun që sonte dhe hajde merr 100K vëlla”.
Kjo deklaratë ka ngjallur reagime të shumta në rrjetet sociale, me shumë komentues që po spekulojnë për arsyet e vërteta pas këtij gjesti dhe nëse kjo është thjesht një provokim apo një ofertë serioze.
Gjesti është një nga personazhet më të diskutuar të këtij edicioni të BBVA, duke fituar mbështetje të madhe nga publiku për natyrën e tij të drejtpërdrejtë dhe sjelljen brenda shtëpisë. /Telegrafi/