Liverpooli fitoi ndaj Southamptonit me rezultat 3-1 dhe kështu vazhdoi në krye të Ligë Premier edhe për nja javë.
Por, fatkeqësisht edhe në këtë ndeshje Reds nuk e shikuan në fushë Xherdan Shaqirin, i cili nuk po luan tashmë e disa javë.
Shqiptari këtë sezon ishte një të preferuarit në Anfield dhe normalisht që pyetjet nga tifozët kanë qenë të shumta në rrjetet sociale në drejtim të trajnerit Jurgen Klopp.
Ata dëshirojnë të dinë pse Shaqiri nuk po luan, por ende nuk kanë marrë një përgjigje nga tekniku gjerman.
Gjithsesi ishte Roberto Firmino ai i cili për një moment i dha tifozëve ndjesinë e Xherdanit në fushën e blertë.
Braziliani pasi asistoi për golin e Jordan Henderson festoi ashtu si Shaqiri kur shënon gola dhe kjo iu pëlqeu shumë tifozëve të Liverpoolit. /Telegrafi/
Loving Bobby’s reaction!! #lfc #SOULIV #firmino #shaqiri pic.twitter.com/SwWXp486pO
— Richard Glithero (@GlitheroRichLFC) April 5, 2019